🌿 सर्ग 62: विश्वामित्र द्वारा शुनःशेप की रक्षा का सफल प्रयत्न और तपस्या
Vishwamitra's successful effort to protect Shunahshepa and his penance
कुल श्लोक: 28
श्लोक 1
शुनःशेपं नरश्रेष्ठ गृहीत्वा तु महायशाः।
व्यश्रमत् पुष्करे राजा मध्याह्ने रघुनन्दन॥
व्यश्रमत् पुष्करे राजा मध्याह्ने रघुनन्दन॥
॥ 1.62.1 ॥
श्लोक 2
तस्य विश्रममाणस्य शुनःशेपो महायशाः।
पुष्करं ज्येष्ठमागम्य विश्वामित्रं ददर्श ह॥ तप्यन्तमृषिभिः सार्धं मातुलं परमातुरः।
पुष्करं ज्येष्ठमागम्य विश्वामित्रं ददर्श ह॥ तप्यन्तमृषिभिः सार्धं मातुलं परमातुरः।
॥ 1.62.2 ॥
श्लोक 3
विषण्णवदनो दीनस्तृष्णया च श्रमेण च॥ पपाताङ्के मुने राम वाक्यं चेदमुवाच ह।
॥ 1.62.3 ॥
श्लोक 4
न मेऽस्ति माता न पिता ज्ञातयो बान्धवाः कुतः॥ त्रातुमर्हसि मां सौम्य धर्मेण मुनिपुंगव।
॥ 1.62.4 ॥
श्लोक 5
त्राता त्वं हि नरश्रेष्ठ सर्वेषां त्वं हि भावनः॥ राजा च कृतकार्यः स्यादहं दीर्घायुरव्ययः।
॥ 1.62.5 ॥
श्लोक 6
स्वर्गलोकमुपाश्नीयां तपस्तप्त्वा ह्यनुत्तमम्॥
॥ 1.62.6 ॥
श्लोक 7
स मे नाथो ह्यनाथस्य भव भव्येन चेतसा।
पितेव पुत्रं धर्मात्मंस्त्रातुमर्हसि किल्बिषात्॥
पितेव पुत्रं धर्मात्मंस्त्रातुमर्हसि किल्बिषात्॥
॥ 1.62.7 ॥
श्लोक 8
तस्य तद् वचनं श्रुत्वा विश्वामित्रो महातपाः।
सान्त्वयित्वा बहुविधं पुत्रानिदमुवाच ह॥
सान्त्वयित्वा बहुविधं पुत्रानिदमुवाच ह॥
॥ 1.62.8 ॥
श्लोक 9
यत्कृते पितरः पुत्राञ्जनयन्ति शुभार्थिनः।
परलोकहितार्थाय तस्य कालोऽयमागतः॥
परलोकहितार्थाय तस्य कालोऽयमागतः॥
॥ 1.62.9 ॥
श्लोक 10
अयं मुनिसुतो बालो मत्तः शरणमिच्छति।
अस्य जीवितमात्रेण प्रियं कुरुत पुत्रकाः॥
अस्य जीवितमात्रेण प्रियं कुरुत पुत्रकाः॥
॥ 1.62.10 ॥
श्लोक 11
सर्वे सुकृतकर्माणः सर्वे धर्मपरायणाः।
पशुभूता नरेन्द्रस्य तृप्तिमग्नेः प्रयच्छत॥
पशुभूता नरेन्द्रस्य तृप्तिमग्नेः प्रयच्छत॥
॥ 1.62.11 ॥
श्लोक 12
नाथवांश्च शुनःशेपो यज्ञश्चाविघ्नतो भवेत्।
देवतास्तर्पिताश्च स्युर्मम चापि कृतं वचः॥
देवतास्तर्पिताश्च स्युर्मम चापि कृतं वचः॥
॥ 1.62.12 ॥
श्लोक 13
मुनेस्तद् वचनं श्रुत्वा मधुच्छन्दादयः सुताः।
साभिमानं नरश्रेष्ठ सलीलमिदमब्रुवन्॥
साभिमानं नरश्रेष्ठ सलीलमिदमब्रुवन्॥
॥ 1.62.13 ॥
श्लोक 14
कथमात्मसुतान् हित्वा त्रायसेऽन्यसुतं विभो।
अकार्यमिव पश्यामः श्वमांसमिव भोजने॥
अकार्यमिव पश्यामः श्वमांसमिव भोजने॥
॥ 1.62.14 ॥
श्लोक 15
तेषां तद् वचनं श्रुत्वा पुत्राणां मुनिपुंगवः।
क्रोधसंरक्तनयनो व्याहर्तुमुपचक्रमे॥
क्रोधसंरक्तनयनो व्याहर्तुमुपचक्रमे॥
॥ 1.62.15 ॥
श्लोक 16
निःसाध्वसमिदं प्रोक्तं धर्मादपि विगर्हितम्।
अतिक्रम्य तु मद्वाक्यं दारुणं रोमहर्षणम्॥ श्वमांसभोजिनः सर्वे वासिष्ठा इव जातिषु।
अतिक्रम्य तु मद्वाक्यं दारुणं रोमहर्षणम्॥ श्वमांसभोजिनः सर्वे वासिष्ठा इव जातिषु।
॥ 1.62.16 ॥
श्लोक 17
पूर्णं वर्षसहस्रं तु पृथिव्यामनुवत्स्यथ ॥
॥ 1.62.17 ॥
श्लोक 18
कृत्वा शापसमायुक्तान् पुत्रान् मुनिवरस्तदा।
शुनःशेपमुवाचार्तं कृत्वा रक्षां निरामयाम्॥
शुनःशेपमुवाचार्तं कृत्वा रक्षां निरामयाम्॥
॥ 1.62.18 ॥
श्लोक 19
पवित्रपाशैराबद्धो रक्तमाल्यानुलेपनः।
वैष्णवं यूपमासाद्य वाग्भिरग्निमुदाहर॥ इमे च गाथे द्वे दिव्ये गायेथा मुनिपुत्रक।
वैष्णवं यूपमासाद्य वाग्भिरग्निमुदाहर॥ इमे च गाथे द्वे दिव्ये गायेथा मुनिपुत्रक।
॥ 1.62.19 ॥
श्लोक 20
अम्बरीषस्य यज्ञेऽस्मिंस्ततः सिद्धिमवाप्स्यसि॥
॥ 1.62.20 ॥
श्लोक 21
शुनःशेपो गृहीत्वा ते द्वे गाथे सुसमाहितः।
त्वरया राजसिंहं तमम्बरीषमुवाच ह॥
त्वरया राजसिंहं तमम्बरीषमुवाच ह॥
॥ 1.62.21 ॥
श्लोक 22
राजसिंह महाबुद्धे शीघ्रं गच्छावहे वयम्।
निवर्तयस्व राजेन्द्र दीक्षां च समुदाहर॥
निवर्तयस्व राजेन्द्र दीक्षां च समुदाहर॥
॥ 1.62.22 ॥
श्लोक 23
तद् वाक्यमृषिपुत्रस्य श्रुत्वा हर्षसमन्वितः।
जगाम नृपतिः शीघ्रं यज्ञवाटमतन्द्रितः ॥
जगाम नृपतिः शीघ्रं यज्ञवाटमतन्द्रितः ॥
॥ 1.62.23 ॥
श्लोक 24
सदस्यानुमते राजा पवित्रकृतलक्षणम्।
पशुं रक्ताम्बरं कृत्वा यूपे तं समबन्धयत्॥
पशुं रक्ताम्बरं कृत्वा यूपे तं समबन्धयत्॥
॥ 1.62.24 ॥
श्लोक 25
स बद्धो वाग्भिरग्र्याभिरभितुष्टाव वै सुरौ।
इन्द्रमिन्द्रानुजं चैव यथावन्मुनिपुत्रकः॥
इन्द्रमिन्द्रानुजं चैव यथावन्मुनिपुत्रकः॥
॥ 1.62.25 ॥
श्लोक 26
ततः प्रीतः सहस्राक्षो रहस्यस्तुतितोषितः।
दीर्घमायुस्तदा प्रादाच्छुनःशेपाय वासवः॥
दीर्घमायुस्तदा प्रादाच्छुनःशेपाय वासवः॥
॥ 1.62.26 ॥
श्लोक 27
स च राजा नरश्रेष्ठ यज्ञस्य च समाप्तवान्।
फलं बहुगुणं राम सहस्राक्षप्रसादजम्॥
फलं बहुगुणं राम सहस्राक्षप्रसादजम्॥
॥ 1.62.27 ॥
श्लोक 28
विश्वामित्रोऽपि धर्मात्मा भूयस्तेपे महातपाः।
पुष्करेषु नरश्रेष्ठ दशवर्षशतानि च ॥
पुष्करेषु नरश्रेष्ठ दशवर्षशतानि च ॥
॥ 1.62.28 ॥
सर्ग समाप्ति
इत्यार्षे श्रीमद्रामायणे वाल्मीकीये आदिकाव्ये बालकाण्डे द्विषष्टितमः सर्गः॥६२॥
📖 हिंदी अनुवाद:
इस प्रकार श्रीवाल्मीकिनिर्मित आर्षरामायण आदिकाव्यके बालकाण्डमें बासठवाँ सर्ग पूरा हुआ। ६२॥
इस प्रकार श्रीवाल्मीकिनिर्मित आर्षरामायण आदिकाव्यके बालकाण्डमें बासठवाँ सर्ग पूरा हुआ। ६२॥
🔍 शब्दार्थ
| संस्कृत शब्द | हिंदी अर्थ |
|---|---|
| इति | इस प्रकार (अव्यय) |
| आर्षे | ऋषि द्वारा कथित (सप्तमी विभक्ति) |
| श्रीमद्रामायणे | श्रीमद्रामायण में (सप्तमी विभक्ति) |
| वाल्मीकीये | वाल्मीकि द्वारा रचित (सप्तमी विभक्ति) |
| आदिकाव्ये | आदिकाव्य में (सप्तमी विभक्ति) |
| बालकाण्डे | बालकाण्ड में (सप्तमी विभक्ति) |
| द्विषष्टितमः | बासठवाँ (प्रथमा विभक्ति) |
| सर्गः | सर्ग (प्रथमा विभक्ति) |
| ॥६२॥ | संख्या ६२ (सर्ग संख्या) |