🌿 सर्ग 37: गंगा से कार्तिकेय की उत्पत्ति का प्रसंग
The episode of the birth of Kartikeya from Ganga
कुल श्लोक: 32
श्लोक 1
तप्यमाने तदा देवे सेन्द्राः साग्निपुरोगमाः।
सेनापतिमभीप्सन्तः पितामहमुपागमन्॥
सेनापतिमभीप्सन्तः पितामहमुपागमन्॥
॥ 1.37.1 ॥
श्लोक 2
ततोऽब्रुवन् सुराः सर्वे भगवन्तं पितामहम्।
प्रणिपत्य सुराराम सेन्द्राः साग्निपुरोगमाः॥
प्रणिपत्य सुराराम सेन्द्राः साग्निपुरोगमाः॥
॥ 1.37.2 ॥
श्लोक 3
येन सेनापतिर्देव दत्तो भगवता पुरा।
स तपः परमास्थाय तप्यते स्म सहोमया॥
स तपः परमास्थाय तप्यते स्म सहोमया॥
॥ 1.37.3 ॥
श्लोक 4
यदत्रानन्तरं कार्यं लोकानां हितकाम्यया।
संविधत्स्व विधानज्ञ त्वं हि नः परमा गतिः॥
संविधत्स्व विधानज्ञ त्वं हि नः परमा गतिः॥
॥ 1.37.4 ॥
श्लोक 5
देवतानां वचः श्रुत्वा सर्वलोकपितामहः।
सान्त्वयन् मधुरैर्वाक्यैस्त्रिदशानिदमब्रवीत्॥
सान्त्वयन् मधुरैर्वाक्यैस्त्रिदशानिदमब्रवीत्॥
॥ 1.37.5 ॥
श्लोक 6
शैलपुत्र्या यदुक्तं तन्न प्रजाः स्वासु पत्निषु।
तस्या वचनमक्लिष्टं सत्यमेव न संशयः॥
तस्या वचनमक्लिष्टं सत्यमेव न संशयः॥
॥ 1.37.6 ॥
श्लोक 7
इयमाकाशगंगा च यस्यां पुत्रं हुताशनः।
जनयिष्यति देवानां सेनापतिमरिंदमम्॥
जनयिष्यति देवानां सेनापतिमरिंदमम्॥
॥ 1.37.7 ॥
श्लोक 8
ज्येष्ठा शैलेन्द्रदुहिता मानयिष्यति तं सुतम्।
उमायास्तबहुमतं भविष्यति न संशयः॥
उमायास्तबहुमतं भविष्यति न संशयः॥
॥ 1.37.8 ॥
श्लोक 9
तच्छ्रत्वा वचनं तस्य कृतार्था रघुनन्दन।
प्रणिपत्य सुराः सर्वे पितामहमपूजयन्॥
प्रणिपत्य सुराः सर्वे पितामहमपूजयन्॥
॥ 1.37.9 ॥
श्लोक 10
ते गत्वा परमं राम कैलासं धातुमण्डितम्।
अग्निं नियोजयामासुः पुत्रार्थं सर्वदेवताः॥
अग्निं नियोजयामासुः पुत्रार्थं सर्वदेवताः॥
॥ 1.37.10 ॥
श्लोक 11
देवकार्यमिदं देव समाधत्स्व हुताशन।
शैलपुत्र्यां महातेजो गंगायां तेज उत्सृज॥
शैलपुत्र्यां महातेजो गंगायां तेज उत्सृज॥
॥ 1.37.11 ॥
श्लोक 12
देवतानां प्रतिज्ञाय गंगामभ्येत्य पावकः।
गर्भ धारय वै देवि देवतानामिदं प्रियम्॥
गर्भ धारय वै देवि देवतानामिदं प्रियम्॥
॥ 1.37.12 ॥
श्लोक 13
इत्येतद् वचनं श्रुत्वा दिव्यं रूपमधारयत्।
स तस्या महिमां दृष्ट्वा समन्तादवशीर्यत॥
स तस्या महिमां दृष्ट्वा समन्तादवशीर्यत॥
॥ 1.37.13 ॥
श्लोक 14
समन्ततस्तदा देवीमभ्यषिञ्चत पावकः।
सर्वस्रोतांसि पूर्णानि गंगाया रघुनन्दन॥
सर्वस्रोतांसि पूर्णानि गंगाया रघुनन्दन॥
॥ 1.37.14 ॥
श्लोक 15
तमुवाच ततो गंगा सर्वदेवपुरोगमम्।
अशक्ता धारणे देव तेजस्तव समुद्धतम्॥ दह्यमानाग्निना तेन सम्प्रव्यथितचेतना।
अशक्ता धारणे देव तेजस्तव समुद्धतम्॥ दह्यमानाग्निना तेन सम्प्रव्यथितचेतना।
॥ 1.37.15 ॥
श्लोक 16
अथाब्रवीदिदं गंगां सर्वदेवहुताशनः॥ इह हैमवते पार्वे गर्भोऽयं संनिवेश्यताम्।
॥ 1.37.16 ॥
श्लोक 17
श्रुत्वा त्वग्निवचो गंगा तं गर्भमतिभास्वरम्॥ उत्ससर्ज महातेजाः स्रोतोभ्यो हि तदानघ।
॥ 1.37.17 ॥
श्लोक 18
यदस्या निर्गतं तस्मात् तप्तजाम्बूनदप्रभम्॥ काञ्चनं धरणी प्राप्तं हिरण्यमतुलप्रभम्।
॥ 1.37.18 ॥
श्लोक 19
ताम्रं काष्र्णायसं चैव तैक्ष्ण्यादेवाभिजायत॥
॥ 1.37.19 ॥
श्लोक 20
मलं तस्याभवत् तत्र त्रपु सीसकमेव च।
तदेतद्धरणीं प्राप्य नानाधातुरवर्धत ॥
तदेतद्धरणीं प्राप्य नानाधातुरवर्धत ॥
॥ 1.37.20 ॥
श्लोक 21
निक्षिप्तमात्रे गर्भे तु तेजोभिरभिरञ्जितम्।
सर्वं पर्वतसंनद्धं सौवर्णमभवद् वनम्॥
सर्वं पर्वतसंनद्धं सौवर्णमभवद् वनम्॥
॥ 1.37.21 ॥
श्लोक 22
जातरूपमिति ख्यातं तदाप्रभृति राघव।
सुवर्णं पुरुषव्याघ्र हुताशनसमप्रभम्।
तृणवृक्षलतागुल्मं सर्वं भवति काञ्चनम् ॥
सुवर्णं पुरुषव्याघ्र हुताशनसमप्रभम्।
तृणवृक्षलतागुल्मं सर्वं भवति काञ्चनम् ॥
॥ 1.37.22 ॥
श्लोक 23
तं कुमारं ततो जातं सेन्द्राः सह मरुद्गणाः।
क्षीरसम्भावनार्थाय कृत्तिकाः समयोजयन्॥
क्षीरसम्भावनार्थाय कृत्तिकाः समयोजयन्॥
॥ 1.37.23 ॥
श्लोक 24
ताः क्षीरं जातमात्रस्य कृत्वा समयमुत्तमम्।
ददुः पुत्रोऽयमस्माकं सर्वासामिति निश्चिताः॥
ददुः पुत्रोऽयमस्माकं सर्वासामिति निश्चिताः॥
॥ 1.37.24 ॥
श्लोक 25
ततस्तु देवताः सर्वाः कार्तिकेय इति ब्रुवन्।
पुत्रस्त्रैलोक्यविख्यातो भविष्यति न संशयः॥
पुत्रस्त्रैलोक्यविख्यातो भविष्यति न संशयः॥
॥ 1.37.25 ॥
श्लोक 26
तेषां तद् वचनं श्रुत्वा स्कन्नं गर्भपरिस्रवे।
स्नापयन् परया लक्ष्या दीप्यमानं यथानलम्॥
स्नापयन् परया लक्ष्या दीप्यमानं यथानलम्॥
॥ 1.37.26 ॥
श्लोक 27
स्कन्द इत्यब्रुवन् देवाः स्कन्नं गर्भपरिस्रवे।
कार्तिकेयं महाबाहुं काकुत्स्थ ज्वलनोपमम्॥
कार्तिकेयं महाबाहुं काकुत्स्थ ज्वलनोपमम्॥
॥ 1.37.27 ॥
श्लोक 28
प्रादुर्भूतं ततः क्षीरं कृत्तिकानामनुत्तमम्।
षण्णां षडाननो भूत्वा जग्राह स्तनजं पयः॥
षण्णां षडाननो भूत्वा जग्राह स्तनजं पयः॥
॥ 1.37.28 ॥
श्लोक 29
गृहीत्वा क्षीरमेकाना सुकुमारवपुस्तदा।
अजयत् स्वेन वीर्येण दैत्यसैन्यगणान् विभुः॥
अजयत् स्वेन वीर्येण दैत्यसैन्यगणान् विभुः॥
॥ 1.37.29 ॥
श्लोक 30
सुरसेनागणपतिमभ्यषिञ्चन्महाद्युतिम्।
ततस्तममराः सर्वे समेत्याग्निपुरोगमाः॥
ततस्तममराः सर्वे समेत्याग्निपुरोगमाः॥
॥ 1.37.30 ॥
श्लोक 31
एष ते राम गंगाया विस्तरोऽभिहितो मया।
कुमारसम्भवश्चैव धन्यः पुण्यस्तथैव च॥
कुमारसम्भवश्चैव धन्यः पुण्यस्तथैव च॥
॥ 1.37.31 ॥
श्लोक 32
भक्तश्च यः कार्तिकेये काकुत्स्थ भुवि मानवः।
आयुष्मान् पुत्रपौत्रैश्च स्कन्दसालोक्यतां व्रजेत्॥
आयुष्मान् पुत्रपौत्रैश्च स्कन्दसालोक्यतां व्रजेत्॥
॥ 1.37.32 ॥
सर्ग समाप्ति
इत्यार्षे श्रीमद्रामायणे वाल्मीकीये आदिकाव्ये बालकाण्डे सप्तत्रिंशः सर्गः॥३७॥
📖 हिंदी अनुवाद:
इस प्रकार श्रीवाल्मीकिनिर्मित आर्षरामायण आदिकाव्य के बालकाण्ड में सैंतीसवाँ सर्ग पूरा हुआ ॥३७॥
इस प्रकार श्रीवाल्मीकिनिर्मित आर्षरामायण आदिकाव्य के बालकाण्ड में सैंतीसवाँ सर्ग पूरा हुआ ॥३७॥
🔍 शब्दार्थ
| संस्कृत शब्द | हिंदी अर्थ |
|---|---|
| इति | इस प्रकार (अव्यय) |
| आर्षे | ऋषि द्वारा कथित (सप्तमी विभक्ति) |
| श्रीमद्रामायणे | श्रीमद्रामायण में (सप्तमी विभक्ति) |
| वाल्मीकीये | वाल्मीकि द्वारा रचित (सप्तमी विभक्ति) |
| आदिकाव्ये | आदिकाव्य में (सप्तमी विभक्ति) |
| बालकाण्डे | बालकाण्ड में (सप्तमी विभक्ति) |
| सप्तत्रिंशः | सैंतीसवाँ (प्रथमा विभक्ति) |
| सर्गः | सर्ग (प्रथमा विभक्ति) |
| ॥३७॥ | संख्या ३७ (सर्ग संख्या) |